Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » القلم ۔۔۔ محسن شکیل

القلم ۔۔۔ محسن شکیل

یہ قلم
جس نے صدیوں مقید ہواﺅں کی تحریر کا
چُھو لیا ہے بدن
روشنی ہے کوئی!
خواب جس سے زمانوں پہ لکھے گئے

تشنگی کی مسافت کو چُنتے ہوئے
جس نے قدموں کو تازہ بشارت کی منزل کا
سپنا دیا

جس نے شب کو بدل کر
محبت سے
صبحوں بھری انتہاﺅں سے روشن کیا

جس نے حرف و بیاں میں سمٹتی ہوئی آگہی
سے سنوارا ہنر
اور حرفِ ستائش سے لہجوں کا دم
آشکاراکیا
فکر کے آسمانوں پہ بکھری ہوئی
اک حقیقت کو سمجھا
ستارا کیا

سب پرندوں کے نغموں میں دیکھا
پروںمیں سمائی صداقت کو اک استعارا کیا

روشنائی سے جس نے مکر ر لکھا
اک سخن کی طرح
دم بہ دم
ہمہ دم
زندگی کو سدا

سب زمانے ہیں اِس کی روانی میں اُترے ہوئے
حرف کی لَو کی حدّت کو چنتے ہوئے!

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *