Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » آگہیں واب ۔۔۔ شفیق شادؔ

آگہیں واب ۔۔۔ شفیق شادؔ

مردم وڑ وڑیں واب گندنت ،شرّیں حرابیں ،شکّلیں ءُُ تہلیں ،برے برے خرابیں واب ہم کئیت ۔مردم گشنت کہ خرابیں واب زیات تر شپ ءِ گُڈّی بہر ءَ بزاں بام ءِ نزّیک کاینت ۔
انچو کہ :۔
گُڈّی پاسانی شپ ءِ واب کرامات نہ بنت
رپتگیں مرد ءُ وارتگیں وان کس ءَ یات نہ بنت
انچو من ہم یک شپے کہ وابے ءَ گوں سرءُ چیر اَت اوں ۔چے گندیں کہ مئے ہندءِ بلوچی گشندہانی یک ٹولی یے ماں کاروانے ءِ رنگ ءَ رہادگ اِنت ۔گشئے کہ یک منزلے ءِ نیمگ ءَ در کپتگ اَنت ۔
دل ءَ گُشت کہ اے دُراہ مئے سنگتیں بلوچی گشندہ اَنت کہ یک رُمبے ءِ شکل ءَ رہادگ اَنت ءُ چیزے گوں نرم ءُ سُبکّیں گاماں میزان میزانءَ ءُ چیزے وتی گاماں تیز کنان ءَ، ءُُ چیزے ماں ترندیں رپتاراں منزلے ءِ نیمگ ءَ گام جنان اَنت ۔
من ہم ایشانی رند ءَ پہ سُبک گامی روان بوتاں، چے گندیں کہ ایشانی ہمراہ لہتے بلوچی شائر ہم ہمسپر اَنت ۔
شائرانی توک ءَ من کہ چیزے جاہ آؤرت ۔آ واجہ مبارک قاضیؔ ،منیر مومنؔ ،منظور بسملؔ ،علی جان دادؔ ،امجد رحیم ؔ ،ارشاد پروازؔ ،عارف عزیزؔ ،اسحاق خاموشؔ ،اعجاز بزّگؔ ،نثار یوسف ؔ ،مجیب مجاہد ؔ ،عبداللہ راہیؔ ،مومن معراجؔ ،خلیل رونقؔ ،سلیم ثابت ؔ ،صالح محمد صالحؔ ،زبیر مختارؔ ، مجید عاجزؔ ءُ ُ دگہ بازیں شائر ات اَنت ۔
من کہ ایشانی نیام ءَ ہوار بوتاں داں گنداں گشندہ،عارف بلوچ ؔ ،شاہ جان داؤدی ؔ ،خلیل سُہرابی ؔ ،رسول بخش فریدؔ ،سلیم امینؔ ،خیرجان باقریؔ ،اصغر آدینہ ؔ ،گلاب جمعہ ؔ ،عبداللہ ثناءؔ ،مسلم حملؔ ،عاصم بلوچؔ ،شوکت سفر ؔ ،انور رحیمؔ ءُ کمّوکے پَدی نیمگ ءَ نبیل قادرؔ ،وہاب بلوچؔ ،تنویر نذرؔ ،حمزہ امین ؔ دگہ لہتے گشندہ کہ آہستہ آہستہ گام جنان ءَ آہانی نزّیک ءَ روگ ءِ جُہد ءَ کنگ ءَ ات اَنت ۔
من کمّو دیمترا شُتاں ،دانکہ عبداللہ ثناء ؔ ءَ چَکّ تَرّینتءُُ منا دیست ءِے ۔درہبات ءَ رند منا گُشت ئےِ شادؔ تو ہم ہمے کاروان ءِ مساپرے ئے ؟؟؟من گُشت ناں ۔۔۔من شمارا اے ٹولی ءِ رنگ ءَ دیست،شمئے حال پرسیءِ ہاتر ءَ شمئے پُشت ءَ گون اوں ۔گُشت ئےِ ناں تو بیا منی نزّیک ءَ من ترا کمّو دیما براں ۔
ما ہمے سوڑگ ءَ اَت ایں کہ شاہ جان داؤدیؔ دیم دیما اَت منی چِڑّکا ءَ گوں چَکّے تَرّینت ءُُ گوں من ہم تران بُوت کہ راست گُشیت عبداللہ ثناءؔ تو پرچا پُشت ءَ کپان ئے !مئے نزّیک ءَ بیا ،ما ترا وتی پاداں براں گوں ۔شاہ جانؔ ءِ چپّیں کشّ ءَ اصغر آدینہ ؔ جُنزان اَت ،گوں من دست ءُُ دُراہ بوت ءُ گُشت ئےِ ہمّت ءِ مرداں مدت ءِ حُدا ۔
عارف بلوچؔ کہ دُرستاں پیسر اَت ۔اے گالوارے کہ اِشکُت اَنت کمّو جَلّ ءُ مہ جَل بوت ءُُ درّائینت ئےِ ؛اڑے شادؔ تو ہم مئے منزل ءِ بوجی ءَ سوارئے ۔ترا وَ دیریں کہ مارا شمارا درکسانی ءَ اے شوک بوتگ کہ پہ وتی بلوچانی واست ءَ چیزے بہ کناںءُُ نامے در بگیجاں ۔تو انگتا سُست ئے!!!من گُشت کہ واجہ من کُجا ءُ آجاگہ کُجا !!!اے وَ کواس ءُ زانتکارانی کار اِنت ۔
انچو عبداللہ ثناءؔ ءَ گوں اشتاپی ءَ درائینت کہ کس پیسراچے زانتکار ءُ کوّاسے نہ بوتگ ۔آہانی زانتکاری ءَ را برنکش دیوک اے منزل ءِ ہمسپرانی کا ر اِنت کہ بندات ءَ گوکو کنان اَنت ءُ پدا کوّاس ءُُ ٹوئیں زانتکار جوڑ بنت ۔
رسول بخش فریدؔ کہ اِے گپّاں گوشدارگءَ ات درائینت ئے کہِ شادؔ مارا انچیں مردم پکار اِنت کہ مئے ہمراہ داری ءَ بکنت ۔دیم ءِ برگ مئے کار اِنت ۔
ہما دمان ءَ ارشاد پروازؔ ءُ عارف عزیزؔ ہم سر بوتاں ۔ارشاد ءَ منا دیست گُشت ئےِ شاد ؔ تو چہ ایشاں وتا مہ سند تا منزلے ءَ سر بئے۔ اِے ترا دُوربَرا نت گوں ۔ہمے گپّ ءَ گوں خلیل سہرابیؔ ءَ گوں منی پجّاروکی کنائینت کہ اِے مئے سنگتے ئ مئے (Field)ءِ مردم اِنت ۔اِیشی ءَ بے حال مکن اِت ۔گڈا خلیل سہرابی ؔ ءَ منا باز دلبڈی دات ۔
احمد رحیم امجد ؔ کہ گوانک جنان اَت کہ شاہ جان داؤدی ؔ تو کمّے جَل ءُُ مہ جَل بُبو ۔چو تیز مرو۔نو منزل نزیک اِنت ۔تو شادؔ ءَ زان ئے ؟گُڈا شاہ جان ءَ پسّو دات کہ من شادؔ ءَ پانزدہ سال ءَ پیسر زاناں کہ من آ وہد ءَ گشندہ یے نہ بوتگ اوں ۔شوک ءِ پَدءَ شئر گشتگ ءُ پکنک ءُ داوتاں شُتگ ایں ۔بلکیں شمے نوکیں سنگتے ۔
گُڈا ہمے دمان ءَ عارف عزیزؔ ءَ گُشت شادؔ وتی شئرے بُوان ۔بِلّے اے کاروان ءِ درائیں ہمسپر اش بہ کن اَنت ۔من گوں تُرس ءُ لرز ءَ یک بے سرگ ءُ پادگیں دستونکے ونت ،دستونک ءِ وانگ ءَ چہ پد دُرستیں گُشندہ ءُ شائراں چاپ جَت ءُ منا داد دات ۔
انچو مُجیب مُجاہد ءَ مِہ جَت اُوشتات ءُ گُشت ئےِ کہ تو پرچہ وتارا چیر داتگ ۔کتابءُُ تاکاں شئرءُ نبشتہ روان نہ دیئے ؟؟؟؟؟؟؟؟؟بلوچی دیوان ءُُ مشائرہ ءُُ مراگشاں ہوار نہ بئے ءُ بہر نہ زورئے ۔تئی شائری ءِ چیر دیگ ءِ راز چے اِنت ؟
اشتاپ اشتاپ ءَ عارف عزیزؔ ءَ گُشت مُجیب صاحب !
چیر بوہگ ہم یک نام کشّگے ءِ نام اِنت۔
ہمے گپّءَ گوں اصغر آدینہ ؔ ءَ منی دست ءِ شئر چانپت ءُ گشت ئےِ تو وَ چو شئر نہ دیئے ۔گوش دار من اَنّو ترزے(دُنے)دیانیں ۔ہمے دمان ءَ منی چمّ پَچ بوتاں ۔داں چاراں وتی تہت ءِ سرءَ آںءُ سر ءَ چہ پاد اں چہ ہید ءَ اوژناہگ ءَ اُوں ءُ لرزگے چیر اِنت۔۔۔۔۔۔۔۔۔

Check Also

jan-17-front-small-title

کڈک و مشک ۔۔۔۔ گوہر ملک

کڈکا یک روچے وتی دلا گشت اے درستیں زند پہ تنہائی نہ گوزیت،ما س وپتئے ...

Leave a Reply

Your email address will not be published. Required fields are marked *