Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » آواچک، پہ وانگ و زانگا ۔۔۔ گلزار گچکی

آواچک، پہ وانگ و زانگا ۔۔۔ گلزار گچکی

اے گپا ھرچ سرپدی ایں مردم زانت کہ بے وانگ و زانگا ھچّ راج دیمروی نہ کنت۔ علم و زانت، سائنس و ٹیکنالوجی و پٹ و پول اَنوگیں تینز رواجیںجھانا دیمروی ئے ھژدریں لوٹ اَنت۔ پدمنتگیں راجانی پشت کپگئے بنکی سوب علم دربرگا چہ دور بوھگ او اے تکا زلورئیں گامگیج ئے نزورگ اِنت۔ رپورٹانی ردا بلوچستانا ھپتاد در سد چک اسکولاں وانگانہ ینت او میتگانی توکا یا وَ کسانیں مزوریا دَزگٹّ اَنت یا گڑا نشہ ئے آماچ بوھگااَنت او کچکانی پاداں پروشگااَنت۔ چکانی اے کساس اسکولاں چہ ڈنّ بوھگ یک بژنی ئیں ھالے کہ باھد اِنت راجئِ ھمک زانتکار، سرپدئیں او سُتکئَ دلیں مردما را تکانسر بکنت او آئی ئَ را جیڑگ و عمل کنگ ئِ سکینا بہ دَنت۔پہ وانگ و وانگ ئِ دیمروی او پہ راج ئِ ھما دُراھیں چکاّں کہ بازیں جنجالانی سببا دنیگتہ دربرجاھاں سر نہ بوتگ اَنت اوپدمنتگیئِ کورچاتا کپتگ اَنت، اَلمی انت کہ یک آواچکے ئِ دروشم ئَ ،یک جنزے ئِ پدا ماں اسکولاں داھل کنگ ببنت۔ اے درگتا بلوچ اسٹوڈنٹس آگنائیزشنایک جنزے بنا کتگ کہ شرّیں گپے ۔الّمئَ اے جنز راج ئِ باندات ئِ دیمروی ئِ تاموریں راھاں رُژّنے بلینیت۔ بنکی لازمی وانگ و زانگئِ بابتا میاں اُستمانی منّگ نامہ ءُ نعرہ چے گش اَنت او اے ملک ئِ آئین چے گشیت ، یک کسانیں چمشانکے پہ ھما مردم ءُ گلا ں کہ اے بابتا دل اِش ستکگ ءُ جیڑگ اِش بنا کتگ ءُ نوں دیم پہ عمل ئَ گام جنان اَنت۔اَنچو کہ زانگ بیت کہ وانگ ءُ زانگ یک بنکی انسانی حق ے، یونائٹڈ نیشنزاے حق ئِ باروا وتی منّگ نامہ ئِ توکا اے پیم گشیت۔ Everyone has the right to education. Education shell be free, at least in the elementary and fundamental stages. Elementary education shell be compulsory ( Article 26 (1) United Nation Universal Declaration of Human Rights (1948)
وھدے کہ پاکستان ئِ آئین ئِ آرٹیکل25-A ،اے ردا گشیت ” ریاست اے گپّ ئِ زمہ وار اِنت کہ آدُراھیں چکاناں ،چہ رنگ ءُ نسل ءُ مذھبا بالاتر، بنکی وانگ ءُ زانگ ئِ آسرتی بدنت“۔اے آرٹیکل ھژدہمی آئینی مٹ ءُ بدل (18th Constitutional Amendement) چہ پد نوں صوبائی زمہ واری ے جوڑ بوتگ، بلے آئی ئِ پجی ئَ فیڈریشن اَنگہ ہم اے تکئَ کار کنگ ئِ زمہ وار اِنت بزاں وفاق وانگ ءُ زانگ ئِ پڑا صوبہانی کمک ئَ بکنت ۔بلے دلپدّردیں گپ ایش اِنت کہ اے آرٹیکل ئِ سرا ھچبر عمل کنگ نہ بیت ءُ نیکہ ایشیئِ دیمروی ئِ بارو ا شرمند یں دیوان ءُ شور ءُ سلاہ کنگ بیت۔ پاکستان دگنیائِ ھما بدبھتیں ملکانی لڑئَ ھوار انت کہ ادا وانگ ءُ زانگ، پٹ ءُ پول، سائنس ءُ ٹیکنالوجی ئِ جاگہ بِدتءُ ستک ءُ بیسہ آں گپتگ بزاں اے ملکئِ مردم وتی گوما بوﺅکیں ہرچ عمل ئَ اگاں بیماری ے ببیت یا روڈ ایکسیڈنٹے یا گریبی ءُ بزگی ءُ واری ے یا سیلاب ءُ شرتگ ءُ وبائے، دُرستاں وتی بھت ءُ کسمت لیکھ ایت ءُ سبر ءُ شکر گیپت ءُ سجہیں زندمان ئَ پہ ھزابی ءُ کُچءُ رُزوائی گوازینیت ۔
اقوام متحدہ ئَ دگنیا ئِ دُراھیں چکانی واستہ بنکی وانگ ءُ زانگ اَلمی کتگ ءُ اے رِد ئَ دُراھیں ملکاناں کڈّن کتگ کہ آ وتی ملکئِ زَھگاناں چرے بنکی حق ئَ ھچ رنگ ئَ زبھر مکن اَنت ءُپرے ھاترئَ اَلمّی کار بکن اَنت۔ملینیم ڈیولپمنٹ گولز ئِ دومی مستریں گول کہ یونیورسل پرائمری ایجوکیشن ئِ نعرہ ئِ یک مشھور ءُ مھکمیں نعرہ ئَ ے بنکی وانگ ءُ زانگ ئِ بابتئَ اے پیم گشیت؛
The second goal in the United Nations Millennium Development Goal is to achieve Universal Primary Education, more specifically, to “ensure that by 2015, children everywhere, boys and girls alike will be able to complete a full course of primary schooling.” Currently, there are more than 100 million children around the world of primary school age who are not in school. The majority of these children are in regions of sub-Saharan Africa and South Asia and within these countries, girls are at the greatest disadvantage in receiving access to education at the primary school age. Since the Millennium Development Goals were launched, many developing countries, such as China, Chile, Cuba, Singapore and Sri Lanka, have successfully completed a campaign towards universal primary education.۔
پرے نعرہ یا ٹارگٹئَ سر بوھگ ئِ واستہ راجانی میان اُستمانی گل ئِ چیردستی ئَ ماں2000 ئِ دَھک ئَ ماں ڈاکار ئَ یک مراگشے برجاہ دارگ بوتگ اَت کہ اے مراگش ئِ توکءَپاکستان ئَ ھم بھر زُرتگ اَتءُ بنکی وانگ ءُ زانگ ئِ منگ نامہ ئِ سرا دَست ھت کتگ اَت۔ اے منّگ نامہ ئِ رِد ئِ پاکستان وتی ھستیں تعلیمی شرح ئَ 54% چہ وَّدینیت ءُ سن 2015 ئَ داں اے شرحءَ 85% ئَ کاریت ءُ سر کنت۔زانگ کرزیت کہ پاکستان ئَ اے درگت ئَ بازیں پروگرام ٹھینتگ ءُ مزنیں ھرچ ءُ درچے ھم کتگ بلے ذمہ واریں گلّ ءُ اُگدادارانی نیمگا ھب ءُ واھگ ئِ کمی ئِ سو´ب ئَ تنی وھدی ھاسیں سوبمندی گندگ نہ بیت۔ مئے تعلیمی واکدار ءُ گل آنی گور ملینئم ڈیولپمنٹ گولز، اے گول آنی بنکی مول ءُ مراد، اے رِد پاکستان ِ ٹارگٹ ءُ اے ٹارگٹ آں داں سربوھگ ئِ راہ ءُ راھبندانی باروئَ زانت ءُ زانشت باز کم اِنت۔ وھدیکہ اے گپ تچک انت کہ اگاں مساپرے وتی راہ ئَ مہ زانت گڑا منزلئَ چون سر بیت؟۔ اَنچش کہ برزئَ مالومداری دیگ بوتگ کہ ھژدھمی آئینی بدلی سدلیانی سوب ئَ وانگ ءُ زانگ چہ بنجاہ ئَ دیم پہ جھل ئَ بزاں صوبائی سرکارئِ دست ئَ اتکگ ءُ سر بوتگ ،نوں صوبھانی زمہ واری اِنت کہ آ اے تک ئَ گھتری آرگ ءُ اشیئَ را یک جوانیں راھبندے دئیگ ئِ ھاترئَ گامگیج بزور اَنت۔ اگاں صوبہ اے رِد ئَ ایماندار ءُ راج دوست اِنت گڑا باھد اِنت کہ َالمی کار اں پہ باندئَ ایر مکنت ءُ وانگ ءُ زانگ ئَ یک ایمرجنسی کارے بہ لیک ایت۔ جھلے چندیں شور ءُ سلاھ وانگی دیمروی ئَ اگاں روزگ ببنت گڑئَ امیت انت کار کمو آسان بنت۔
کانود سازی:     چش کہ ھژدہمی آئینی بدلی سدلیانی سوب ئَ بازیں تک چہ بنجاھی سرکار ئَ صوبائی سرکارئَ دَست کپتگ اَنت کہ اشانی تھا وانگ ءُ وانگ ھم ھوار اِنت، اے گپ اَلمی انت کہ صوبائی سرکار میاں اُستمانی منگ نامہ ءُ لوٹانی پد ئَ ءُ وتی دمگ ئِ جیڑھ ءُ جنجال، دود ءُ ربیدگ، چاگردی اڑاند ءُ وانگ ئَ لوٹ ئِ متابک ئَ انچیں کانود اڑ بکنت ءُ چہ اسمبلی ئَ پاس بکنائین ایت کہ چرائی ئَ بنکی ءُ المی وانگ ءُ زانگ دیما بروت ۔ اے پیمیں کانود سازی ئِ سو´ب ئَ ھچ چشیں میتگے کہ بیست بچک ءُ جنکیں چک ے اَست چہ اسکول ئَ زبھر مبنت۔ اے ہم اَلمی اِنت ہر کجا کہ نوکیں اسکول جوڑ کنگ بیت ، چہ بندات ئَ دُراھیں آسراتیاں بھرہ مند ببیت۔ چش کہ اسکول بے استاد مبیت، اسکول ئَ ورگی آپ، لین( اگاں ٹراسمیشن لائن دور اِنت گڑا سولر انرجیئِ وسیلہ ئَ لین دیگ ببیت) دَست ءُ آپ جاہ یا پسیل، لیبئِ پٹ، کتاب ءُ پنسل ءُ کاپی، لیب ءُ گوازی ئِ المی ئیں سامانءُ دُرستاں چہ گیشتر المی ئیں لوٹ ساھگے بوھگ اسکول ئَ چکانی وانگ ئِ مھکمیں دروشمے ئَ برجاھ داریت۔ اے وھداں گندگ بوھگ ئَ اِنت کہ اسکول اَست، استاد نیست، استاد است ساھگ نیست، ساھگ است بلے چک زیاتئَ انت ءُ کوٹی یکے۔ شست مکتبی انت ءُ استاد یکے۔ نہ آپ است ناں پسیل ناں چکانی گوازی ئِ بندءُ بوج بوتگ نیکہ پہ استاد ئَ کرشی ءُ ٹیبل اَست۔ باھد انت کہ انچیں اسکول دوست کانود ٹھینگ ببیت کہ نوکیں اسکول ئِ منزوری وتی پجیئَ دراھیں آسراتیاں بیاریت۔ ھمے پیما اے سک المی ئیں گپے کہ ھر دو کلومیٹر ئَ پد دومی اسکول ھژدری ببیت بزاں ھرچ دو کلومیٹرئَ پد دگہ اسکولے اگاں چک اَست۔ ھمے پیما پہ جنکاں کہ گیشتر چہ اسکولاں ڈّن اَنت، باھد ھاسیں پروگرامے ئِ ردئَ اسکول منزور کنگ ءُ وانگ بنا کنگ ببیت۔ اے درگت ئَ اے گپ ئِ زانگ المی انت کہ اے وھداں بازیں جاگہاں جنکانی پرائمری اسکول اَست بلے مڈل اسکول کم چہ کم دہ کلومیٹر دور انت، جنک پرائمری پاس کن انت ءُ لوگ ئَ نند انت ،مڈل اسکولنگ یا ھائی اسکولنگ نہ بوھگ ئِ سو´ب ئَ آھانی دیمتری وانگ ئِ راھ ڈَنگر جنگ بنت۔
تعلیمی بجٹ:     زَّر ءُ مالئِ بوھگ بازیں کارانی شرکنگ ئِ واستہ اوَلی ءُ آھری لوٹ اِنت۔ ھشکیں کانود سازی، سیاسی ھب، راجی واھگ ءُ نعرہ بازی ئَ کار گیگ نہ بنت۔بنکی وانگ ءُ زانگ ئِ دیمرویئِ ھاترا سرکاری تعلیمی بجٹ ئَ دوسری کنگ المی انتءُ اے پڑئَ بلوچستان ئِ ھستیں سرکارئَ جوانیں گامگیج ے زُرتگ ءُ وتی تعلیمی بجٹ چہ گوستگین ئَ دہ سر گیش کتگ بلے زانگ لوٹیت کہ اے تک ئَ زرانی جوانیں کارمردی چون بوھگ ئَ انت؟آیا سرکار ئِ وانگ ءُ زانگ ءُ پلاننگ ءُ ڈیولپمنٹ ئِ کارگس وتی وتی زمہ واریاں پیلو کنگ ئَ انت کہ ناں؟ ۔ اے درگت ئَ پانگی کمیٹی کہ آھانی توکئَ سول سوسائٹی ءُ میڈیا ئِ کرد مزنیں بستارے داریت۔بجٹ ئِ وّدینگ جیڑھ ئِ گیش ءُ گیواری ئِ نیمگا بنداتی گامےگیج اِنت۔ اسل کار ھمے زَّرانی جوان کارمرزی ءُ آ ھم گوں جوانیں پلاننگ ءُ زلورتانی پدئَ کارمرزی اِنت ۔بزاں کجا اسکول اڑ ببیت؟۔ کجام اسکول چہ پرائمری ئَ مڈل ئِ درجہ دیگ ببیت؟۔ھستیں اسکولانی توکا پشت کپتگیں آسراتیانی پجارینگ ئِ راھبند ئِ ٹھینگ ئِ واستہ شور ءُ سلائی مراگش ئِ برجاہ دارگ المی ئیں کار اَنت کہ کنگ ببنت۔
رَسانک(Accessibility):     داھلہ جنز تنا وھدئَ وتی اسل مکسد ئَ سر بنیت تنکہ چکاناں داں اسکولاں جوانیں رَسانک مببیت۔ پہ درور، ما سجئیں روچ ئَ بینرمِک بکنیں، پمفلٹ بھر بکنیں، مراگش ءُ دیوان برجاہ بداریں،مات ءُ پتاناں سوج ءُ سر ءُ پنت ءُ نسیئت بکنیں بلے اگاں اسکول نزیک نہ اِنت گڑا چک چوں اسکول ئَ داھل کنگ ءُ آئی ئِ وانگ چے پیم بندات کنائینگ بیت؟ اگاں مات ءُ پتانی واھگ ببیت ھم ما چکاں اسکولاں داھل کنگ ئَ سوبین نبیں پمشکہ اے اِلمی اِنت کہ اسکول چہ میتگ ئَ دو کلومیٹرئَ چہ گیش دور مببیت پرچہ کہ کسانیں چکانی واستہ دو کلومیٹر بزاں روھگ ءُ آھگ ھمک روچ چار کلومیٹر پند بُرّگ سکیں گرانیں کارے بیت ءُ اے پہ جنکیں چکاں گیشتر جنجال والا کارے۔ زانتکارانی گشگ انت کہ چکانی چہ اسکول ڈراپ آﺅٹ بزاں وانگ ئِ کپّی کنگ ئِ یک مستریں سو´باں چہ یکے ھمیش انت۔ اگاں اسکول میتگئِ توک ئَ ، چکانی دسترس ئَ ببیت، مات ءُ پتانی چمانی نزیک ئَ ببیت گڑا چک ھاس کن جنکیں چکانی واستہ دل تپرکئی کم بیت ءُ مات ءُ پت پہ اے واللہ ھی جنکاں اسکول ئَ دیم دیئنت۔ پمشکہ اے ھژّدری اِنت کہ ھر چ ھما میتگئَ کہ نزیکی اسکول ئَ چہ پندے دو کلومیٹرئَ گیش اِنت باھد انت کہ نوکیں اسکولے گوں دُراھیں آسراتیاں بوجگ ببیت۔ ھمے رنگ ئَ پہ بچکاں چائلڈ لیبر ئِ جہت ئِ کار کنگ ئِ ھلاپ ئَ سرپدی ودینگ ئِ زلورت اَنت۔ عام ءُ ھاسیں مردماں اگاں جست بکنے گڑا پسہ رسیت کہ ما گریبیں ما ونت نہ کنیں، بلے بژنی گپ ایش انت کہ بنداتی وانگ مپت ئَ انت بزاں ناں فیس است ناں دگہ کتابے گرگ ئِ زلورت انت بلے انگہ ھم چک اسکولں چہ ڈنّ انت۔ باز و َ انچیں انت کہ ناں جاگہ ئے ئَ کار ئِ انت ننکہ دگہ دزگٹی اش است ، سجئیں روچ ھوٹلاں ءُ اے دگہ بے نپیں جاھاں گردنت ءُ وتی وھد ئَ زوال کنگ ئَ انت۔ المی انت کہ اسکول ئِ وھد ئَ ہچ چک بے سوب ئَ ڈن ئَ گردگ ئِ مبیت اسکول ئَ ببیت گڑا ما سوبین بیں۔
داھلہ جنز:    بنکی وانگ ءُ زانگ ئِ ودینگ ئِ ھاترئَ اَلمّی اِنت کہ ھمک سال داھلہ جنز بنا کنگ ببیت انچش انوں کنگ بوھگ ئِ انت۔ اے کارئِ ھاترئَ سرکار وتی دُراھیں وَس ءُ واکاں بکنت بلے تنکہ چاگردئِ ھمک بھرءُ ھمک ھیال ءُ لیکھ ئِ ءُ لس مھلونک ھوار مبیت ءُ کمک مکنت ، سد درسد چکانی ماں اسکولاں داھل کنگ ئِ واب ھبچر معنا نہ بیت۔ اے درگت ئَ ھمک سال ھشت ستمبر ئَ انٹرنیشنل لٹریسی ڈے( بنکی وانگئِ میاں استمانی روچ دارگ بیت)۔ اے روچءِ درگت ئَ مراگشانی وسیلہ ئَ مھلونک ئَ را سرپدی دیگ بیت ءُ چکانی داھل جنز بندات کنگ بیت۔ اے ارزانیں کارے نہ انت۔ پرے ھاترئَ المی انت کہ سرکار دراھیں تک ءُ پھناتاں ھوار بکنت گڑا چیزے بوت کنت۔ داھلہ ئِ واستہ المی انت کہ اے کار سائنٹیفک بُنپد ءُ راھبنداں گوں کار کنگ ببیت۔ اے وھد این سی ایچ ڈی یک ھنچیں گّل ے کہ آ اے کار ئَ پہ وڑ ءُ ڈول کنگ ئَ بوتگ بلے مالی جاور انی ھرابی ءُ آئینئِ ھژدھمی بدلی سدلیانی سوب ئَ اے گّل صوبہ ئَ رستگ کہ صوبہ وتی ے کنگ ئِ نہ انت۔ اے گّل ئِ کرئَ ھمک ضلع، ھمک یونین کونسل، ھمک تحصیل ءُ بلکنہ ھمک میتگ ئِ درستیں ھما چک کہ اسکول ئِ روھگ ئِ عمر (5-9)سر بوتگ انت ، ڈیٹا بوتگ کہ داھلہ یئِ جار ئِ پرینگ ئَ گوں این سی ایچ ڈی ئِ نامینتگیں کارمندہ پڑ ئَ دراتکگاں ءُ گوں اسکول ئِ استاد ءُ میتگ ئِ چوگردی رضاکار ئَ ھوار داھل جنز اش بندات کتگ۔ Out of school childrenلسٹ کہ ھمک سال نوک کنگ بوتگ ، یک ھنچیں آدینکے بوتگ کہ آئی ئَ دراھیں پدر کتگ انت کہ اے چک اسکول ئِ عمر ئَ سربوتگ انت نوں بوھد انت کہ داھل کنگ ببنت، اے پیما مزنیں کچے ئَ چک ماں اسکولاں داھل بوتگ انت۔
داد ءُ دھشت(Insentives):    پہ چکاں ھاس پہ جنکانی داھلہ ءُ ماں اسکولاں داں بنکی وانگ ءُ زانگ ئِ سرجمی ئِ ھاترئَ بازیں ملکاں داد ءُ دھشت (Insentives) دیگ بوھگئَ اِنت۔ اے داد ءُ دَھشت ئِ مول ءُ مراد چکانی توکا پہ اسکول ئَ چکمکی دروشم بنا کنگ ءُ پراھاں اسکول ئَ را یک نپ ئَ مندیں جائے جوڑ کنگ اِنت۔ اے رِد ئَ چکانی ھاندان ئَ المی ئیں وَردِن، چش کہ روگن، ڈبہ والا شیر، بسکوٹ، آرت ءُ اے دگہ وردنی چیز ھوار انت دیگ بوھگ اِنت۔ بازیں ملکاں جنکیں چکاناں اسکول ئَ نیم روچ ئِ نان ھم اڑ کنگ ءُ دیگ بیت کہ چریشی ئَ چکانی ھب پہ اسکول ئِ روھگ ئَ گیش بیت ءُ آ وتی وانگءَ ھب ءُ واھگ سرجم کن اَنت۔ بلوچستان سرکار اَنچو کہ ھال اِنت کہ نیوٹریریشن پروجیکٹ بندات کنگءَ اِنت ، اے پروجیکٹئَ گوں وانگ ءُ زانگئَ ھمگرنچ بکنت ۔ جان سلامتی ءُ وانگ ئِ ٹارگٹ ئِ کلب ئَ تونگر ءُتوانائی ءُ زانت ءُ زانشت ھوار بنت ءُ یک جوانیں چاگردے ودی ببیت پہ بانداتئِ بلوچستانا۔
بنجاھی سرکارئِ کمک:    ھژدہمی آئینی بدلی سدلیاں پد بلےّ کہ وانگ ئِ تک صوبہاں دیگ بوتگ بلے بنجاہی سرکار ئِ زمہ واری انگت ھما پیما برجاہ اَنت، پرچکہ ملینئیم ڈیولپمنٹ گولز اآں سربوھگ ئِ سوبمندی ءُ بے سوبی دوئیں حالتاں، میاں استمانی راج ءُ گلانی دیما پسہ دیوک فیڈیریشن اِنت۔ اگاں یک صوبہ ے اے تکئَ اگاں نزوری پیش بداریت گڑا پورئےیں صوبہ ءُ پدئَ ملکئِ واستہ جنجالے بیت، پمشکہ فیدریشن وتی ٹیکنیکل ءُ مالی کمک ئَ یکشلہ برجاہ بداریت تنکہ کمی پشت مہ کپیت۔ بلوچستان کہ آئیئِ مالی وسائل سک باز بلے آمدن سک کم انت کہ ایشی ئِ سوب کم کٹ ءُ کمائی ئِ بے ردءپ بے انساہیں راھبند انت ، باھد انت کہ بنجاہی سرکار وتی کمک ئَ گیش بکنت تنکہ بنکی وانگ ءُ زانگ ئِ دیمروی ئِ جاور گھتر ببنت۔
لس مھلوکی آواچک:     سوج ءُ سرپدی دیگ ھر کارئَ المی انت۔ بلوچ چاگرد ئَ گیشتر مات ءُ پت ناوانندہ انت ءُ زانتءُ زانشت ، وانگ ءُ زانگئِ ارزشت آ وڑئَ سرپد نہ بنت کہ چرائی پہ چکاں وانگ ءُ باعلم بوھگ ئِ راھ پچ بہ ببنت۔ گیشتر پتاں بگش کہ وتی چک ئَ اسکول ئَ داھل بہ کن پسہ ہمیش بیت کہ اسکول ئَ روت چے کنت۔ وانیت نوکری ے نہ ریست یا نوکری ئَ ٹوہیں مردمانی چک گر انت مئے گریبانی چکاں کئے نوکری دنت کہ ما بوانینن اش۔ اے یا اے رنگیں پگر ءُ لیکھ دارگ الم ئَ کم زانتی ئے بلے یک گپے پدر بیت کہ مئے نا وانندہ ءُ واندگ دوئیں وانگ ءُ زانگ ئَ را گوں نوکری ئَ ھمگرنچ کن انت ۔ پمشکہ اے سک زلوری انت کہ چاگردئَ را وانگ ئِ ارزشت ئِ بروئَ جوانیں سرپدی دیگ ببیت ءُ اے کار تھنا داھل کنگ ئِ جنز ئِ ھاترئَ کنگ مہ بیت بلکنہ اے کار سجہئیں سال ئَ وڑ وڑیں مراگشانی بھرے جوڑ کنگ ببیت۔ پرے کارا دراھیں تکاں چہ مھلونک ھوار کنگ ببنت۔ یک زمانگے ئَ گمان بیت بھٹو سرکارئِ دور ءُ باریگ اتنت، کشت ءُ کشارئِ دیمروی ئِ ھاترئَ میتگ میتگ باسکوپ پیشدارگ بوت کہ دھکان ءُ کشت ءُ کشار ءَ گوں ھمگرنچیں مھلونک ئَ سرپدی رستگ ات۔ پرے مکسد ئِ ھاترئَ یک جیپ ئے توکا پروجیکٹر مان ات کہ چہ جنریٹر ئَ ھلائینگ بوت۔ پہ اسکرین ئِ واستہ میتگئِ ساپ ءُ سلھیں دیوالے کارمرز کنگ بوت۔ پہ وانگ ءُ زانگ ئِ ھاترئَ ہمے رنگیں پروگرامز اڑ کنگ ءُ یک آواچکی جاورے ودی کنگ المی انت کہ چریشی ئَ دراھیں مھلونک یکپارگی بوجنز انت راج ئِ سرپدی ئِ کارئَ دست ئَ بہ پتائنت۔
اھوالکار ءُ چاگردی گلانی کرد:     وانگ ءُ وانگ ئَ پڑئَ گھتری آرگ نہ ایوکئَ یک ٹک ءُ راجی گل ءُھستیں سرکارئِ زمہ واری انت ننکہ تھنا وانگ ءُ زانگ ئِ گلئِ ۔ بلکنہ اے زمہ واری دراھیں وانندہ ءُ سرپدی ئیں مردمانیگ اِنت کہ دیم ئَ بیا اَنت ءُ کمک بکن انت۔ روتاک ءُ اھوالکارانی یک مزنیں کردے اے بابت ئَ کہ آ وتی ھالرسانی ئِ وسیلہ ئَ راج ئَ را سرپدی دیگ ئِ کارئَ پہ جوانی کت کن انت۔ ھمے رنگ ئَ چاگردی گل کہ ما این۔ جی ۔اوز یا سماجی تنظیم اش گشیں پرے کارئَ یک مھکمیں باسکے بوت کن اَنت۔ پاکستان ئَ این۔ سی ایچ۔ ڈی وڑیں تعلیمی گل کہ آ ایوک ئَ پرائمری ایجوکیشن ءُ لٹریسی ئِ ودینگ ئِ یک جوانیں گلّ ے کہ ایشی ئِ کرّئَ بنکی وانگ ءُ زانگ ئِ ودّینگ ئِ ھاترئَ دراھیں زانت ءُ سرپدی ءُ سوجکاری آسراتی است انت بلے اے گّل وفاق ءُ صوبہ آنی وت ماں وتی گر ءُ چیل ئِ آماچ انت۔ این سی ایچ ڈی ئَ کس وتی نہ کنت ءُ اے گّل روچ پہ روچ ڈُران ءُ کپان اِنت۔ اگاں بلوچستان سرکار اے گّل ئَ چہ ا جوانیں وڑے ئَ کار بہ گیپت ما سدکاں بازیں کارے شرّ بیت۔ انچو کہ جان سلامتی ئِ تک ئَ پی۔ پی۔ ایچ۔ آئی ئِ کرد بیھال کنگ نبیت ھمے رنگ ئَ این۔ سی۔ ایچ۔ ڈی ئَ ھم باز جوانیں کار کتگ کہ آھانی توکا استادانی سوجکاری ءُ وانینگ ئِ راھبنداناں مھکم کنگ، دوریں میتگاں فیڈر استاد ءُ فیڈر اسکول دیگ کہ اشانی وسیلہ ئَ بے کساس چکاں وتی بنداتی وانگ وتی لوگانی نزیک گورئَ چمے اسکولاں دربرتگ کہ نوں پہ بے زَّریئَ بند بوتگ انت۔ اگاں بلوچستان سرکار اے گّل ئَ ھژدھمی آئینی بدلی سدلیانی رد ئَ وفاق ئِ یک گّل ئے سرپد مبیت ءُ اشی ئَ وتی بکنت من سدکاں کہ باز جوانیں کار بیت۔ بنداتی وانگ ءُ زانگ ئَ را ودینگ ئِ ھاترئَ اے گپ المی انت کہ انچش کہ یک لوگے ئِ بندگ ئِ ھاترئَ یک ڈگارے ئِ کشگ ئِ واستہ میتگ ئِ مردم آواچک کن انت وتی کار ئَ سوار کن انت بلوچستان ئَ وانگ ءُ زانگ ئَ پڑئَ ھمے رنگیں آواچکے ئِ سک زلورت انت ۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *