Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » آدمی کہتا ہے وہ مٹی سے افضل ہے ۔۔۔ زاہد امروز

آدمی کہتا ہے وہ مٹی سے افضل ہے ۔۔۔ زاہد امروز

آدمی سوچتا ہے
وہ مٹی ہو کر بھی مٹی سے افضل ہے
لیکن جب دن اور رات کی حرکت رُک جاتی ہے
اِس کا کھوکھلا دل کوکونٹ کا چھلکا بن جاتا ہے
اور خوابوں کا گودا اَندر ہی گل جاتا ہے
آدمی سوچتا رہ جاتا ہے

آدمی اپنے اندر کتنا شوریدہ ہے
لیکن ساحل پر لیٹا تو بس معمولی گھونگاہے
جسے سمندر ایک لہر میں ریت بنادیتا ہے
اِس وسعت میں نہ وقت ٹھہرتا ہے نہ بہتا ہے
بس محوِ حیرت رہتا ہے
آندھی تاروں سے کپڑے لے جاتی ہے
اور سیلاب گھروں کو لاشیں دے جاتا ہے
آدمی دیکھتا رہ جاتا ہے

جہاں سمندر تنہا ہو
مچھلی کے چانوں کی طرح چمکتا ہے
اِن چمکیلے چانوں میں اَن جانے چہرے دیکھ کے
آدمی اپنی تنہائی سے ڈر جاتا ہے
آدمی
اپنے ہونے میں مٹی سے افضل ہے
اوراپنے نہ ہونے میں مٹی کی بھی مٹی ہے

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *